close
轉眼間, 又到左放大假既日子啦, 今次去既係首爾同上海, 上次一去韓國, 已經係十年前啦, 真係得人驚, 我上次去完之後, 下左決心永遠唔會再去, 因為我覺得d人又無禮貌, d野又難食, 又言語不通... 不過, 響呢幾年不斷收到其他朋友們既comment都唔錯, 加上最近既韓國化妝品熱潮, 再加上HK$1499 六天既團費, 無理由唔俾次機會佢o者~~
唔知會係點呢~ 會唔會有驚喜呢? 你地有無野想我幫你地買呀? 有既話請留言...
講開買野, 我遇到一d攪笑既事.... 話說我有一日見到黑馬王子個網球友 - 咸濕法國仔, 我地吹左幾句水之後佢約我今個星期六去飲野, 呢d時候我當然係唔想同佢去架啦, 跟住我話佢知, 唔得閒, 因為我要去韓國, 跟住我為左快d完左個 conversation, 我就問佢 " Do you want anything from Korea?", 我其實估佢都係會講埋d無謂野, 例如"泡菜/韓國妹" 之類, 丫, 點知出乎意料, 佢俾左一個好攪笑既答案. 令我好impress... 佢用手指逗一逗我個下巴, 然後話 " I just want you to come back from Korea safely" Hhahahaha, 聽完之後我就大笑...好鬼開心~
丫, 我又覺得我學到野啦, 第日有朋友問我要咩手信, 我都咁答佢地先, 肯定冧死佢地...
P.S. 如果呢句說話唔係法國仔同我講, 而係佢, 咁就好啦~~
全站熱搜
留言列表
