chan kristy的部落格

在一個靜靜既夜晚, 剛在網上遊走.... 因facebook 自行設定了所有人的照片為"公開", 令我可以肆無忌憚地看所有認識而又未加成朋友的人的照片...
 
忽發奇想, 不知道"那些" 人過得怎樣呢? 一些舊"朋友"現在活得好嗎?
 
一個又一個的搜尋, 看來那些男孩們都很幸福的樣子, 有的還在加勒比海漂泊流浪, 有的在美國好好的工作, 照片中看來比以前更帥啊, 有的抱著孩子了, 有的拍了結婚照了, 有的同居了, 很甜蜜呢.... 他們各自也有自己的生活, 也成熟了不少....看著看著, 驚覺時間的飛逝, 那些人, 那些事, 就好像在昨天發生的一樣....在我心目中, 那些人物性格依然歷歷在目
 
當然, 那些人當中, 有一些又特別深刻的記憶, 有一些, 想了很久也想不出他真正的姓及名 (因為通常以花名相稱), 感情事, 真的很奇怪, 有一些人, 在你心目中, 永遠是那麼的重要, 那麼的深刻, 可是, 他可以當你只是一個過客, 而有一些人, 你覺得他在你心目中跟本不值一提, 甚至一點都記不起你們之間發生過什麼事, 而他卻為著你們的過去耿耿於懷....
 
人生就是這樣, 有些時候, 會在錯的時間, 遇著對的人, 而又會在對的時候, 遇到錯的人, 又或是兩個對的人, 分別遇到錯的人.....無論怎樣, 我真心希望那些男孩子, 都可以永遠幸福快樂, 也希望他們祝福一下我這一個在你們人生中的一個'錯' 人, 哈哈
 
我, 還在等著他的出現呢......
 
(背景圖為facebook 偷回來的夢中情人照, 真sexy)  註: 你看, 我還在發著無聊白日夢, 究竟我ready 了沒有?
 
 
P.S. Hey boys!如果你們看到這一篇文章, 請set 好你facebook 的privacy setting 啊, 不要再讓我再看到你的生活照啦!!1 

唔知幾時開始 (可能係步入中年開始) 就好驚行萬寧, 屈臣氏呢類地方....
 
每一次行, 就好似玩緊食鬼遊戲咁, 一見到化妝品小姐逃走....你追我閃~閃~閃~~~~
 
一不小心就響路口遇到SKII小姐:  小姐, 小姐, 你有d暗瘡問題wor , 要針對返d補濕wor, 我地有隻神仙水幾好架wor!
轉個彎, 雪肌蘭小姐:  小姐, 小姐, 我有d eye cream 介紹俾你, 去一去黑眼圈同幼紋wor...
收銀機前一失守, 就俾唔知咩姐姐捉住:  小姐, 你平時有無留意o下防曬呀? 我地有無美白mask 好好架...
 
夠啦, 夠啦!! 唔好再跟住我啦, 我無晒自尊心架啦~~~~ 

奇遇....在今天晚上發生了....
 
突如其來一次機會, 與黑馬王子有一次非正式非單獨的聚會....當時詳細情況是怎樣不重要, 我最想表達的是我內心的感覺...
 
1.  那種感覺怪怪
2.  和一個人走得很近但感覺很遙遠的感覺是可悲
3.  自卑的感覺很強烈
4.  那些有錢哥兒指一指鼻哥就入了members only 的club 的畫面我覺得很莫名其妙
5.  TVB 咸濕肥監製身邊圍著的女子令我覺得很惡心
6.  黑馬王子那一種親切的態度令我覺得他太親切,  很公式的親切, 反面令我敬而遠之的感覺
 
總結: 陳雪瑩, 慳d~ 唔好諗多左, 俾心機返工, 搵定你d姑婆本,  ahahhahha

今天放工, 上完瑜珈課, 靜靜翻著今天的報章細閱, 看著, 看著...有很多慘絕人寰的事, 看到市民大眾既疾苦, 青衣城既招聘會排隊既人圍繞到三層樓高, 九龍城既父妻情殺, 車禍喪獨子, 未婚妻重傷, 不禁令我對坐在我旁邊的媽媽訴說我的心酸及嘆息, 唱起悲歌....
 
回到房間, 又細心地看今天偷回來黑馬王子既生活照, 其中一張係佢同一家人, 爸, 媽, 及其三兄弟去日本的照片, 令我有深刻的感覺....
照片中的他們, 一家六口, 穿著日本和服(酒店沖完涼著o個d浴衣), 爸媽坐在前排, 手牽著手, 英俊的四子站在其後, 互相搭著肩膀, 六個人的笑臉就如陽光一樣璨爛, 桌上放著各式各樣shabu shabu的食物
 
這一個男子, 有著富裕又快樂的家庭, 兄友弟恭, 住在3500萬的豪宅裡, 英俊不凡, 有自己的事業, 有強健的身體及臂彎 (網球冠軍wor), 有名車, 有明星女友, 簡直係岑凱倫小說的真人版.......sigh~ 
 
太唔公平啦, 上天係唔係玩弄緊我地呢d平凡既老百姓呢~ 定還是王子既內心係有d一傷心既事, 不足為外人道既呢, 如果有既話,  我係絕對唔介意同佢分憂, 開解o下佢既, hahahah
  
 

任性既我, 今日午飯時間, 撐著小傘, 穿著絲絲既裙, 冒住大風大雨, 心裡想著一定要出街走走...散下心~
 
誰不知, 我就是這樣錯過左見到我黑馬王子既機會 亦到同時製造左一個俾八掛妹四圍講我既秘密俾人知既機會
 
午飯時間之後, 回到靜悄悄既辦公室, 收到第一個電話, 就係密友Edwin打來既, 佢第一句就係" 你做咩唔講我知?"", 我問" 咩唔話你知?"  啊.....原來講緊呢件事, 當時覺得個心慌慌地, 佢就繼續講" 原來個個都知係我唔知!" 我又心慌啦, 真係個個知咩...唔係麻~  Edwin講左幾句類似, "你死心啦~ 無行架你" 之後, 我係完全聽不進耳, 內心只係想著, 快d打俾八掛妹 Candy 鬧死佢先... 點知佢又係毫不留情地講" aim high 係好, 不過都唔洗high 成咁" 激死!!!
 
hahahah~ 好無聊~  想打沉我?
 
車~ Nothing is impossible, 只要有夢想, 凡事可成真~  
 

自從有了facebook 後, 已經很少很少寫blog 了, 一來 facebook 的觀眾/朋友層面更廣, 回覆快, 一呼百應
 
而且, 有了簡易的upload album function之後, 把一天發生過的事,開心或不開心, 見過的人, 去過的地方一一拍下, 之後upload 上網, 以圖代表文字, 方便又簡單, 幾分鐘之後, 幾個又幾個地回應, 讚好~ 簡直是低成本, 高回報...
 
但是, 其實我的心裡面, 都很重視這一個blog, 因為其實在我msn friend list 中的人, 都是我的好朋友, 是可以分享深層一點心事的人... 我在這裡寫的, 是未必所有朋友也能知道的心事...
 
在facebook的, 只能見到我 he he ha ha 的生活照啦~
 
 
 
 

唔知我可唔可以成功得到呢三張機票呢?  睇來今次既泰國之旅, 我要'努力' d 啦
 
來泰國受孕 觀光局送3張機票
2009-03-10
泰國觀光局推廣蜜月旅遊今天出新招，推出「泰國製造 (Made in Thailand)」活動，
準爸媽若能提出今年10月底前在泰國受孕的證明，可獲贈3張機票，爸爸、媽媽和小孩明年重遊泰國。
泰國觀光局今年將婚禮與蜜月列為今年推廣重點項目，
繼西洋情人節邀台灣33對準新人和新婚夫妻在普吉島舉辦福建式婚禮並度蜜月，
第二波「泰國製造」活動今天開跑。
泰國觀光局辦事處表示，準爸媽提出有泰國出入境時間頁面的護照影本，
和醫生證明受孕時間的資料，證明小寶寶是在今年3月9日到10月31日間在「泰國製造」，前50個報名的家庭可獲贈3張經濟艙機票。報名時間至今年12月15日止。
另外，泰國Laguna飯店集團推出促銷活動，訂房旅客即加送1晚住宿，
共有10萬個免費住宿名額，詳情可至泰國觀光局網站查詢。
本文引用地址：http://www.udnbkk.com/article/2009/0310/article_50551.html

上星期五, 我好友亞花舉辦左一個 "Single Party", 之所以稱為"舉辦" , 是因為這一個Party 係有組織, 有預謀, 有編排既... 
 
身為出名好dry, 好 "single" 既我, 當然有被邀出席既份兒啦~ 
 
當我十多日前收到這一個口頭invitation 既時候, 心諗(自豪地, 甜絲絲地):  " 唔係嘛, 唔洗啦, 全天下最筍既盤都會自己游埋來架啦", 
 
十多日後(上星期一), 終於收到亞花一個比較offical 既口頭 invitation加 email加電話 加 MSN message, 雖然好友亞花既鼓勵與支持, 同埋佢既努力精心安排既一切, 令我深深感動, 但係, 響我"萬念俱灰" 既心情影響之下, 只係拋下左一兩句" 唔洗啦, 唔想去呀, 去左都 "開唔到屏"啦!"
 
拒絕左亞花既邀約後, 其實都有諗過, 會唔會參加比較好呢, 但係又諗深一層, 呢一類既派對, 對於我來講係越去越傷心, 一來, 參加左呢個派對之後, 就更加提醒我自己係一個single 既身份, 更加提高我既孤獨感...要知道, 我雖然係single, 但係我并不孤獨, 我相信我自己, 幸福在我手...
 
而更令我唔參加呢一個派對既原因, 係我一直覺得, 我既愛情故事, 一向都係好Dramatic, 係由一d好浪漫既故事開始, 如果我真係響single party交到男朋友, 我會覺得過唔到自己, 因為好唔dramatic.  hahahah~  我係唔係好無聊~
 
最後, 我都係選擇左同一班好同事去食泰菜, 然後蘭桂芳狂歡, 感覺都唔錯丫~
 
**後記: 知道亞花今次既派對好成功, 我都替佢開心, 希望天下間既男女都能夠尋找到自己既真愛~ 有情人終成扣肉~

其實我只需要將我的生活Reset 回到兩星期之前, 一切將會變得很美好, 只是兩個星期內的事情, 為何又牽動起我的愁緒呢? ...
 
要知道人越成長了, 漸漸會變得怕受傷, 遇到稍微有一點沒有把握的人和事, 便會急急的封上蝕本門, 以防傷害太深....原因, 不用去理, 不想去查, 只知前境'不樂觀', 就此放手~
 
悲哀的是, 在科技發達既社會裡, 回憶是什麼呢? 有憑有據嗎? 觸得到的嗎? 嗅得到的嗎 聽得到的嗎?  沒有~ 只有一堆在一秒內可以刪掉的data, 一堆載滿虛無感情的廢物data
 
灰~
 
無論如何, 就這樣:  case closed~
 
31 March 2009